شاہ سلمان بن عبدالعزیز نے دو شاہی فرامین جاری کردیے

خادم حرمین شریفین شاہ سلمان بن عبدالعزیز نے سنیچر کو دو شاہی فرامین جاری کیے ہیں۔

سرکاری خبر رساں ایجنسی ایس پی اے کے مطابق شاہی فرمان کے تحت ڈاکٹر محمد بن سلیمان الجاسر کو وزارتی کونسل کے جنرل سکریٹریٹ میں مشیر کے عہدے سے سکبدوش کیا گیا ہے۔

ایک اور شاہی فرمان  کے ذریعے ڈاکٹر احمد بن عبدالکریم الخلیفی کو ایوان شاہی کا مشیر اور جنرل اتھارٹی برائے مسابقت کے بورڈ  آف ڈائریکٹرز کا چیئرمین مقرر کیا گیا ہے۔

متعلقہ حکام شاہی فرامین  پر عمل درآ مد کے پابند ہیں۔