کورونا : 103 نئے کیسز ، 6 ہلاکتوں کی تصدیق

سعودی عرب میں کورونا کیسز میں تیزی سے کمی واقع ہو رہی ہے ـ گزشتہ 24 گھنٹےکے دوران ایک سو 3 نئے کیسز کی تصدیق ہوئی جبکہ مختلف ریجنز میں 6 ہلاکتیں ریکارڈ کی گئیں ـ

سعودی خبررساں ایجنسی ’ایس پی اے‘ نے وزارت صحت کے حوالے سے جاری اعداد وشمار کے حوالے سے کہا ہے کہ مملکت میں کورونا کے مجموعی کیسز 5 لاکھ 45 ہزار 727 تک پہنچ گئے جبکہ ایک ہی روز میں 195 افراد اس مہلک وائرس سے شفایاب ہوئے جس کے بعد مجموعی طورپر کورونا سے صحتیاب ہونے والوں کی تعداد 5 لاکھ 34 ہزار 834 ہو گئی ـ

وزارت صحت کا مزید کہنا ہے کہ گزشتہ 24 گھنٹے کے اندر کورونا کے سب سے زیادہ مریضوں کی تصدیق ریاض ریجن میں ہوئی جہاں 34 افراد میں یہ وائرس پایا گیا جبکہ الباحہ ریجن میں صرف ایک شخص میں کووڈ 19 کی تصدیق ہوئی ـ

مکہ مکرمہ ریجن میں مریضوں کی تعداد 18 رہی ، مشرقی ریجن میں 9 ، قصیم میں 7 ، جازان ریجن  اور عسیر ریجن میں 6 ، چھ افراد میں وائرس کی تصدیق ہوئی ـ

مدینہ منورہ اور الجوف ریجنز میں مریضوں کی تعداد 5 ، 5 رہی جبکہ نجران ریجن میں چار، تبوک اور شمالی حدود ریجن میں 3 ، تین جبکہ حائل ریجن میں 2 افراد میں کورونا وائرس کی تصدیق ہوئی ـ

مملکت کے مختلف ریجنز میں اس وقت کورونا کے  2 ہزار 289 کیسز زیر علاج ہیں جن میں سے 565 کو انکی نازک صورتحال کے باعث انتہائی نگہداشت یونٹ میں رکھا گیا ہےـ

وزارت صحت نے کورونا سے بچاو کے حوالے سے کہا ہے کہ مقررہ ایس اوپیز پرسختی سے عمل درآمد جاری رکھا جائے جن میں سماجی فاصلے کا اصول انتہائی اہم ہے ـ

واضح رہے کورونا وائرس سے بچاو کے لیے وزارت صحت کی جانب سے ویکسینیشن کا عمل جاری ہے اس ضمن میں ایسے افراد جو کورونا سے صحتیاب ہو چکے ہیں انہیں بھی ویکسین کی دوسری خوراک لگانے کی ہدایت کی جارہی ہے ـ