سعودی لڑکی کا بھائی کے ساتھ یوم الوطنی منانے کا منفرد انداز

8 سالہ لڑکی فجر الاحمری پہلی غوطہ خور سعودی لڑکی ہے جس نے سعودی عرب کے یوم الوطنی پر پہلا ریکارڈ قائم کیا ہے۔

سبق ویب سائٹ کے مطابق اس نے یوم الوطنی منانے اور قیادت کا شکریہ ادا کرنے کا انوکھا انداز اختیار کیا ہے۔

8 سالہ فجر اور اس کے بھائی بتال جو 5 سال کی عمر میں پہلا غوطہ خور کا اعزاز حاصل کرچکا ہے نے سعودی پرچم اور شکریہ کے کلمات پر مشتمل بورڈ زیر سمندر لہرایا ہے۔

دونوں نے سعودی عرب میں ہی غوطہ خوری میں مہارت حاصل کی اور ہم عمر افراد کو یہ فن سیکھنے کی دعوت دی ہے۔

تبوک میں مقیم بہن بھائی نے سعودی کوچ نایل العمرانی سے غوطہ خوری سیکھی ہے۔

واضح رہے کہ سعودی عرب میں مرد و خواتین کے علاوہ بچوں کے لیے بھی غوطہ خوری سکھانے کے کئی ادارے قائم ہیں۔