جدہ میں گاڑیوں کی چوری میں ملوث گروہ گرفتار

سعودی عرب میں مکہ مکرمہ ریجن پولیس نے جدہ میں 13 گاڑیاں چوری کرنے والے ایک گروہ کو گرفتار کیا ہے۔

پکڑے جانے والا گروہ چار سعودیوں اور ایک مقیم غیرملکی پر مشتمل تھا۔ سٹارٹ حالت میں کھڑی کاریں چوری کرکے فرار ہوجاتے تھے۔ 

عاجل ویب سائٹ مکہ مکرمہ پولیس کے ترجمان نے بتایا کہ ’انسداد جرائم سیکیورٹی ٹیم کو وارداتیں کرنے والوں کی نشاندہی اور گرفتاری کا ٹاسک دیا گیا تھا‘۔

ٹیم نے منصوبہ بند طریقے سے کام کرکے گاڑیاں چوری کرنے والے گروہ تک رسائی حاصل کرلی۔ ان میں سے ایک فلسطینی جبکہ چار سعودی شہری ہیں۔ مسروقہ کار کے پرزے نکال کر فروخت کردیتے تھے۔

پولیس ترجمان نے بتایا کہ ’ملزمان کو حراست میں لے کر ابتدائی قانونی کارروائی کے بعد پبلک پراسیکیوشن کے حوالے کردیا گیا ہے‘۔