آئی ایس آئی کے نئے ڈی جی کے تقرر کا پراسیس شروع ہو چکا: فواد چوہدری

پاکستان کے وزیر اطلاعات فواد چوہدری نے کہا ہے کہ وزیراعظم اور آرمی چیف کے درمیان آئی ایس آئی کے نئے ڈائریکٹر جنرل کی تقرری پر مشاورت کا عمل مکمل ہو چکا ہے اور نئی تقرری کا پراسس شروع ہو چکا ہے۔

بدھ کو فواد چوہدری نے کہا کہ ایک بار پھر سول اور فوجی قیادت نے یہ ثابت کیا ہے کہ ملک کے استحکام، سالمیت اور ترقی کے لیے تمام ادارے متحد اور یکساں ہیں۔ 

قبل ازیں وزیراعظم عمران خان کے معاون خصوصی اور قومی اسمبلی میں تحریک انصاف کے چیف وہپ عامر ڈوگر نے کہا تھا کہ ’رات گئے وزیراعظم عمران خان اور آرمی چیف جنرل قمر جاوید باجوہ میں ملاقات ہوئی جس میں معاملات اچھے انداز میں طے ہوئے۔‘

نجی ٹی وی چینل سما پر سینیئر اینکرپرسن ندیم ملک کے پروگرام میں گفتگو کرتے ہوئے عامر ڈوگر کا کہنا تھا کہ ’وزیراعظم چاہتے تھے کہ افغانستان کی صورت حال کے تناظر میں لیفٹیننٹ جنرل فیض حمید مزید کچھ عرصہ ڈی جی آئی ایس آئی کے عہدے پر برقرار رہیں۔‘ 

وزیراعظم کے معاون خصوصی کے مطابق ’نئے ڈائریکٹر جنرل آئی ایس آئی کے تقرر کے لیے وزارت دفاع سے تین سے پانچ نام آئیں گے جن میں سے وزیراعظم ایک نام کی منظوری دیں گے۔‘

ایک سوال پر عامر ڈوگر نے کہا کہ ’وزیراعظم کی کوئی انا نہیں، وہ ملک کے چیف ایگزیکٹو اور عوام کے منتخب وزیراعظم ہیں، فوج کی بھی عزت ہے اور وزیراعظم کی بھی عزت ہے۔‘

0 seconds of 1 minute, 50 secondsVolume 90%

Press shift question mark to access a list of keyboard shortcuts

Keyboard ShortcutsEnabledDisabled

Shortcuts Open/Close/ or ?

Play/PauseSPACE

Increase Volume↑

Decrease Volume↓

Seek Forward→

Seek Backward←

Captions On/Offc

Fullscreen/Exit Fullscreenf

Mute/Unmutem

Decrease Caption Size-

Increase Caption Size+ or =

Seek %0-9

Live

00:00

01:50

01:50

 

انہوں نے سول ملٹری تعلقات کے حوالے سے سوشل میڈیا پر گردش کرنے والی خبروں کی وضاحت کرتے ہوئے کہا تھا کہ ’میں یہاں آپ کو بتانا چاہتا ہوں کہ پیر کی رات وزیراعظم عمران خان اور چیف آف دی آرمی سٹاف جنرل قمر جاوید باجوہ کی بہت طویل نشست ہوئی۔‘

فواد چوہدری کا کہنا تھا کہ ’ڈی جی آئی ایس آئی کے حوالے سے وزیراعظم نے کابینہ کو اعتماد میں لیا۔‘

انہوں نے بتایا کہ ’جنرل قمر جاوید باجوہ اور وزیراعظم عمران خان کے آپس میں بہت ہی قریبی اور بہت ہی خوش گوار تعلقات ہیں۔‘