قصیم فیسٹول میں انار اور اس سے بنی اشیا میں دلچسپی

سعودی عرب کے علاقے قصیم میں ان دنوں انار میلے کے چرچے ہیں۔ البکیریہ گورنریٹ میں وزارت ماحولیات، پانی و زاعت کے تحت الشیعہ مرکز میں انار میلے کی سرگرمیاں جاری ہیں جہاں انار اور اس سے بنی اشیا کی نمائش کے علاوہ متعدد ثقافتی، سماجی اور تفریحی پروگرام ہورہے ہیں۔

عاجل ویب سائٹ کے مطابق میلے میں پہلی بار بچوں کے لیے اسٹیج پروگرام اور مختلف کارٹون کرداروں کے ساتھ تحائف اور انعامات کا سلسلہ ہے۔ انار میلے کا یہ پانچواں ایڈیشن ہے جو کامیابی سے جاری ہے۔

انار میلے میں آغاز سے ہی خریداروں اور سعودی و غیرملکی فیملیز کی طرف سے بھر پور شرکت رہی ہے۔ خاص طور پر بچے میلے میں رونق لگائے ہوئے ہیں۔

انار میلے میں آنے والے انار اور اس سے تیار اشیا خریدنے میں دلچسپی دکھا رہے ہیں جبکہ دیگر اشیا کی بھی اس میلے میں نمائش کی جارہی ہے اور ان کے سٹال لگے ہوئے ہیں۔

علاوہ ازیں مختلف کافی شاپس اور دیگر دکانوں سے بھی خریداری کی جا رہی ہے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں