غیر ملکی کارکنان کو ’مقیم‘ پورٹل سے جوازات کا’ پرنٹ‘ نکلوانے کی سہولت

سعودی محکہ پاسپورٹ اینڈ امیگریشن ’جوازات ‘ نے یقین دہانی کرائی ہے کہ وزارت کے پورٹل ’مقیم ‘ سے غیر ملکی کارکنوں کے بارے میں کمپیوٹرائز رپورٹ کا پرنٹ حاصل کی جاسکتا  ہے۔

کمپیوٹرائز رپورٹ کا پرنٹ حاصل کرنے کے لیے جوازات کے کسی دفتر جانے کی ضرورت نہیں ہوگی۔ اپنے سسٹم کے ذریعے سے ہی کارکن کے حوالے سے مصدقہ رپورٹ پرنٹ کرنے کی سہولت فراہم کردی گئی ہے۔ 

سبق نیوز نے جوازات کے ٹوئٹرپردی گئی اطلاع کے حوالے سے بتایا کہ مقیم پورٹل سے جاری کرائی جانے والی کارکن کی رپورٹ مصدقہ سرکاری دستاویز کے طورپر تسلیم کی جائے گی جس میں کارکن کے بارے میں تمام تفصیلات درج ہوتی ہیں۔

واضح رہے ماضی میں جوازات کے دفترسے غیر ملکی کارکن کے بارے میں ’پرنٹ ‘ حاصل کیا جاتا تھا جسے سرکاری اداروں میں ضرورت پڑنے پرپیش کیاجاتا ہے۔

ابشر اور مقیم پرپیش کی جانے والی نئی سہولت کے بعد  پرنٹ حاصل کرنے کےلیے جوازات کے کسی دفتر جانے کی ضرورت نہیں بلکہ اسے مقیم پورٹل سے حاصل کیاجاسکتا ہے۔