میٹھے پانی کے چشموں اور پھلوں کی سوغات کا شہر ’اصفہ‘

سعودی عرب مکہ مکرمہ ریجن کی میسان کمشنری کا ’اصفہ‘ تاریخی قریہ شائقین کی دلچسپی کا محور بن گیا۔ یہ حجاز بنی مالک کے قریوں میں سے ایک ہے۔ 

ایس پی اے کے مطابق سیاحوں کے قافلے اصفہ قریہ دیکھنے کے لیے پہنچ رہے ہیں۔ یہ سیر و سیاحت کے علاوہ قدرتی اور تاریخی مقامات سے دلچسپی رکھنے والوں کے لیے بہترین جگہ ہے۔ 

اصفہ قریے کی عمارتوں میں پتھر استعمال کیے گئے ہیں۔ عمارتیں دیوہیکل سفید چٹانوں کے اوپر بنائی گئی ہیں- طرز تعمیر منفرد ہے- قریے کی عمارتوں کی چھجے لکڑی کے ہیں- ان کی کھڑکیوں اور دروازوں میں بھی لکڑیاں استعمال کی گئی ہے۔

اصفہ قریے کی عمارتیں اپنے آس پاس کے پہاڑی ماحول سے ہم آہنگ ہونے کی وجہ سے عجیب و غریب حسن اپنے اندر پیدا کیے ہوئے ہیں- 

اصفہ قریہ اس دور کی یادگار ہے جب قریہ الثروات کوہستانی علاقے میں منفرد انداز سے تعمیر کیے جاتے تھے- بعض گھروں میں مجلسوں کے لیے بڑے بڑے ہال موجود ہیں- ہال کثیر المقاصد ہیں- خاندانی اور قبائلی میٹنگوں کے علاوہ مویشی باندھنے کے لیے بھی استعمال کیے جاتے رہے ہیں- گھروں کے باہر کھیت اور خوبصورت قدرتی مناظر پائے جاتے ہیں- لکڑیوں پر بہت سارے نقش و نگار دیکھنے سے تعلق رکھتے ہیں- 

اصفہ قریہ طائف کے جنوب میں پایا جاتا ہے- یہاں فوٹو گرافی کے شائقین بھی کثرت سے آتے ہیں- یہ 300 برس سے کہیں زیادہ پرانا قریہ ہے- یہاں میٹھے پانی کے چشمے، انگور، انجیر، بادام کے باغات اطراف میں واقع ہیں- وادیاں، پہاڑ، خودرو درخت اور زرعی فارم بھی ایک لائن سے چلے گئے ہیں- 

اصفہ قریے کا موسم سال بھر عمدہ رہتا ہے- سردی کے موسم میں ٹھنڈ رہتی ہے جبکہ گرمیوں میں موسم معتدل رہتا ہے- سردی کے موسم میں بارش ہوتی رہتی ہے- بارش یہاں گرمیوں کے موسم میں بھی ہوتی ہے مگر سردیوں کے  مقابلے میں کم ہوتی ہے- سفید بادل  قریے کے اوپر چھائے  رہتے ہیں- یہ قریہ عظیم الشان ثقافتی تاریخ اور جمالیاتی رونق کے حوالے سے پسند کیا جاتا ہے- 

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں