جمہوریہ وسطی افریقہ میں اقوام متحدہ کے امن مشن میں تعینات پاکستان کی فوج کے اہلکار ڈیوٹی کے دوران ہلاک ہو گئے ہیں۔
جمعرات کو پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ حوالدار محمد شفیق کی نماز جنازہ ان کے آبائی علاقے میاں چنوں میں ادا کی گئی ہے۔
بیان کے مطابق محمد شفیق کواعزاز کے ساتھ دفنایا گیا ہے۔
حوالدار محمد شفیق رواں سال فروری میں اقوام متحدہ کے امن مشن میں تعینات ہوئے تھے۔
بیان میں مزید کہا گیا ہے کہ ’162 پاکستانی اہلکار اقوام متحدہ کے امن مشن میں فرائض سرانجام دیتے ہوئے اپنی جانوں کا نذرانہ دے چکے ہیں۔‘
