گاڑی چوری کرکے فاضل پرزوں میں تبدیل کرنے والا گرفتار

الجوف پولیس نے القریات کمشنری میں گاڑی چوری کرکے اسے فاضل پرزوں میں تبدیل کرنے والے مقامی شہری کو گرفتار کرلیا- وہ القریات کمشنری کے استراحہ (گیسٹ ہاؤس) میں مسروقہ کار کو پرزوں میں تبدیل کرتے ہوئے پکڑا گیا-

اخبار  24 کے  مطابق الجوف پولیس کے ترجمان نے بتایا کہ مقامی شہری کو گاڑی چوری کرنے اور اس کے پرزے نکال کر مقامی مارکیٹ میں فروخت کرنے پر ابتدائی قانونی کارروائی کرکے پبلک پراسیکیوشن کے حوالے کردیا گیا-

یاد رہے کہ ماضی قریب تک گاڑیاں چوری کرکے انہیں فاضل پرزوں میں تبدیل کرنے اور فروخت کرنے کا کام غیر قانونی طور پر مقیم غیرملکیوں تک محدود تھا- اب اس میں مقامی شہری بھی شامل ہوچکے ہیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں