کورونا کے نئے کیسز میں کمی، شفایابی میں اضافہ

سعودی عرب میں جمعہ کے روز کورونا وائرس کے نئے کیسز میں کمی ریکارڈ کی گئی جبکہ شفایاب ہونے والوں کی تعداد میں اضافہ  ہوا ہے۔

گزشتہ 24 گھنٹے کے دوران کورونا کے 4 ہزار 884 نئے کیسزکی تصدیق ہوئی۔

وزارت صحت کی جانب سے جاری اعداد وشمار کے مطابق نئے کیسز کی تصدیق کے بعد مملکت میں اب تک کووڈ 19 کے مصدقہ کیسزکی تعداد 6 لاکھ 43 ہزار 211 تک پہنچ گئی ہے۔

کورونا سے گزشتہ 24 گھنٹے کے دوران دو ہلاکتیں ہوئیں جن کے بعد اس مہلک وائرس سے 8 ہزار 916 افراد اب تک جان کی بازی ہارچکے ہیں۔

وائرس کے نئے کیسز میں کمی جبکہ شفایابی میں اضافہ دیکھنے میں آ رہا ہے۔ ایک ہی دن میں 6 ہزار 90 مریض کورونا سے صحتیاب ہونے کے بعد اب تک اس وائرس سے شفایاب ہونے والوں کی مجموعی تعداد 5 لاکھ 90ہزار 140 ہو گئی۔

وزارت صحت کا کہنا ہے کہ مملکت کے مختلف ریجنز میں کورونا کے زیرعلاج مریضوں میں سے 591 کی حالت نازک ہے جنہیں انتہائی نگہداشت کے یونٹ میں رکھا گیا ہے۔

سعودی عرب میں کورونا سے بچاو کےلیے ویکسینیشن کا سلسلہ جاری ہے بیشترافراد کو ویکسین کی دو خوراکیں لگائی جانے کے بعد اب بوسٹرڈوز لگانے کا سلسلہ جاری ہے۔

وزارت صحت کی جانب سے جاری اعداد وشمار کے مطابق مملکت میں اب تک مجموعی طورپر 5 کروڑ 84 لاکھ 457 ویکسین کی خوراکیں لگائی جاچکی ہیں جن میں پہلی ، دوسری اور بوسٹرڈوز شامل ہے