سعودی دارالحکومت ریاض میں عالمی دفاعی نمائش کے اختتام پر سعودی طیاروں نے شاندار ایئر شو پیش کیا ہے۔
سرکاری خبر رساں ایجنسی ایس پی اے کے مطابق متحدہ عرب امارات کے جنگی طیاروں نے بھی اس موقع پر کرتب دکھائے۔
ایئر شو کے دوران ریاض میں دفاعی نمائش کا پورا علاقہ سعودی عرب اور امارات کے پرچموں اور ان کے رنگوں سے سج گیا۔ طیارے فضا میں رنگ بکھیرتے رہے۔
سبق ویب سائٹ کے مطابق عالمی دفاعی نمائش کے دوران 29.7 ارب ریال کے سودے ہوئے ہیں۔
غیرملکی کمپنیوں کے ساتھ 22 معاہدے ہوئے جن کے بموجب وہ کمپنیاں سعودی عرب میں اسلحہ سازی کی فیکٹریاں قائم کریں گی۔ 8 ارب ریال کی مجموعی لاگت سے یہ کمپنیاں قائم کی جائیں گی۔
نمائش میں 46 فیصد سودے سعودی کمپنیوں کے ساتھ کیے گئے۔ تقریبا 10 ارب ریال مالیت کے ہتھیار خریدے گئے۔
نمائش میں 42 ممالک کی 600 کمپنیوں نے شرکت کی۔ 80 سے زیادہ عسکری وفود شریک ہوئے۔ 85 ممالک کے 65 ہزار وزیٹرز نمائش دیکھنے کے لیے پہنچے۔
#فيديو_واس | #معرض_الدفاع_العالمي الحدث العالمي الرائد للدفاع والأمن يختتم فعالياته التي أقيمت على مدى 4 أيام بمشاركة 600 جهة عارضة، من 42 دولة، وبحضور أكثر من 80 وفداً عسكرياً، و 65 ألف زائر.#WDS2022#واس_عام pic.twitter.com/GwIXT8egGl
— واس العام (@SPAregions) March 9, 2022
