سعودی عرب نے ماریطانیہ میں ڈیپازٹ 300 ملین ڈالر آسان قرضے میں تبدیل کردیے
سعودی عرب نے ماریطانیہ میں ڈیپازٹ 300 ملین ڈالر آسان قرضے میں تبدیل کردیے
اتوار 17 اپریل 2022 22:45
سعودی اقدام سے ماریطانیہ کی پائدار ترقی میں مدد ملے گی ( فوٹو ایس پی اے)
خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کی ہدایت پر سعودی عرب نے ماریطانیہ کے سینٹرل بینک میں ڈیپازٹ 300 ملین ڈالرکو آسان شرائط والے قرضے میں تبدیل کیا ہے۔
سرکاری خبر رساں ایجنسی ایس پی اے کے مطابق سعودی عرب نے ڈیپازٹ کو آسان شرائط والے قرضے میں تبدیل کرنے کا فیصلہ مسلم وعرب ممالک کی تعمیر و ترقی میں اپنے قائدانہ کردار کے تحت کیا ہے۔
سعودی عرب ماریطانیہ کے عوام اور حکومت کے ساتھ کھڑا ہے( فوٹو ایس پی اے)
سعودی عرب طویل عرصے سے ماریطانیہ کے عوام اور حکومت کے ساتھ کھڑا ہے۔ سعودی عرب زندگی کے مختلف شعبوں میں ترقیاتی منصوبوں اور شرح نمو بڑھانے کے لیے کوشاں ہے۔
ماہرین نے توقع ظاہر کی ہے کہ سعودی عرب کے نئے اقدام سے ماریطانیہ کی پائدار ترقی میں مدد ملے گی اور اس سے متاثر ہوکر متعدد علاقائی و بین الاقوامی تنظیمیں بھی ماریطانیہ کے لیے نئی ترقیاتی سکیمیں شروع کریں گی۔
