نومولود کا برتھ سرٹیفیکٹ ’ابشر‘ سے کیسے جاری کرائیں؟ 

سعودی عرب میں محکمہ احوال مدنیہ (سول افیئرز) نے کہا ہے کہ نومولود کے آن لائن اندراج اور برتھ سرسرٹیفیکٹ ’ابشر‘ سے جاری کرانے کے لیے طریقہ کار کی وضاحت کی ہے۔

عاجل ویب سائٹ کے مطابق محکمہ احوال مدنیہ نے بیان میں کہا کہ بچوں کی پیدائش کی رجسٹریشن اور برتھ سرسرٹیفیکٹ کے لیے نئی سہولت دی گئی ہے۔ 

برتھ سرٹیفیکٹ کے حصول کے لیے احوال مدنیہ کے دفتر جانا پڑتا تھا لیکن اب یہ کام آن لائن انجام دیے جاسکتے ہیں۔

محکمہ احوال مدنیہ کا کہنا ہے کہ ابشر پلیٹ فارم کے ذریعے نومولود کا اندراج اور برتھ سرٹیفیکٹ کا اجرا ممکن ہے۔

برتھ سرٹیفیکٹ سعودی پوسٹ کے ذریعے آپ کے نیشنل ایڈریس پر مل جائے گا۔ اس کے لیے محکمہ کے دفتر جانے کی ضرورت نہیں ہوگی۔ اس مقصد کے لیے چار کام کرنا ہوں گے۔

بیان میں کہا گیا کہ  اس کے لیے پہلےابشر اکاؤنٹ میں اندراج کرائیں۔ خدمات کے خانے کو پش کریں اور پھراحوال مدنیہ کا انتخاب کیا جائے۔ 

اس کے بعد نومولود کے اندراج والی سروس کو منتخب کیا جائے۔

محکمہ احوال مدنیہ نے بتایا کہ مملکت پانچ علاقوں میں موبائل ٹیمیں بھی مختلف سہولتیں فراہم کررہی ہیں۔

اسے نیا عنوان ’ناتی الیک‘ (ہم آپ تک پہنچ رہے ہیں) دیا گیا ہے۔ یہ سہولت خاص طور پر ایسی بستیوں، تحصیلو ں اور کمشنریوں کے باشندوں کودی جارہی ہے جن کی احوال مدنیہ کے دفتر تک رسائی مشکل ہوتی ہے۔