واشنگٹن...ا مریکہ کی کئی ریاستوں میں صدر ڈونلڈ ٹرمپ کے خلاف ہزاروں افراد نے احتجاج کرتے ہوئے ٹیکس گوشوارے جاری کرنے کا مطالبہ کر دیا ۔کیلیفورنیا میں امریکی صدر کے حامی اور مخالفین آمنے سامنے آگئے۔ ایک دوسرے پرمکوں ،لاتوں اور گھونسوں کی بارش کردی۔ ہنگامہ آرائی کے الزام میں پولیس نے 14 افراد کو گرفتار کر لیا۔دارالحکومت واشنگٹن ڈی سی کے علاوہ نیویارک، لاس اینجلس، اور شکاگو میں ہونے والے مظاہروں میں شریک افراد صدر ٹرمپ سے ٹیکس گوشوارے جاری کرنے کا مطالبہ کررہے تھے۔ان مظاہروں کو ٹیکس مارچ کا نام دیا گیا تھا۔
