پہلی پرواز سے 85 عازمین حج سعودی عرب پہنچے ہیں( فوٹو سبق)
ابوظبی سے پہلی حج پرواز 85 عازمین کو لےکرطائف کے ہوائی اڈے پر پہنچ گئی۔
سبق نیوز کے مطابق ریجنل ڈائریکٹر امورصحت سعید القحطانی ومعاون امورصحت خالد الثبیتی کے علاوہ دیگر اعلی عہدیداروں نے ایئرپورٹ پرعازمین حج کا استقبال کیا ہے۔
ابوظبی سے آنے والے پہلےعازمین حج کوتحائف دیے گئے اور ان کے امیگریشن و دیگرمعاملات نمٹائے گئے۔
ابوظبی سے آنے والے عازمین حج کوتحائف دیے گئے(فوٹو سبق)
طائف ایئرپورٹ پرموجود طبی عملے نے عالمی صحت ضوابط پرعمل کرتے ہوئے عازمین کو احتیاطی تدابیر سے مطلع کیا اور انہیں درکارضروری ہدایات بھی دیں۔
واضح رہے طائف آنے والے اماراتی عازمین حج یہاں سے مکہ مکرمہ خصوصی بسوں میں روانہ ہوں گے۔
