سعودی عرب کی جانب سے غزہ پر اسرائیلی حملے کی مذمت
سعودی وزارت خارجہ کی جانب سے غزہ پٹی پراسرائیلی قابض فوج کے حملے پرسخت مذمت کی ہے۔
سعودی خبررساں ایجنسی ’ایس پی اے‘ کے مطابق وزارت خارجہ کی جانب سے جاری بیان میں مزید کہا گیا ہے کہ مملکت ہمیشہ سے اپنے فلسطینی بھائیوں کے ساتھ ہے۔
سعودی وزارت خارجہ کی جانب سے عالمی برادری سے مطالبہ کیا گیا کہ کشیدگی کو ختم کرنے کےلیے اپنا کردار ادا کریں ۔ غزہ کے شہریوں کوہرممکن وضروری تحفظ فراہم کرنے کے لیے تمام ترکوششیں کی جائیں۔
واضح رہے اسرائیلی قابض افواج کی جانب سے غزہ پرکیے جانے والے حملے میں دس سے زائد افراد ہلاک اور80 کے قریب زخمی ہوئے تھے۔
