استنبول میں نویں منزل سے گرنے والی سعودی لڑکی فضائی ایمبولینس سے مملکت منتقل 

استنبول میں سعودی قونصلیٹ نے کہا ہے کہ ’نویں منزل پر واقع اپارٹمنٹ کی کھڑکی سے گرنے والی 14 سالہ سعودی لڑکی کو فضائی ایمبولینس کے ذریعے سعودی عرب منتقل کیا گیا ہے‘۔

العربیہ نیٹ کے مطابق سعودی قونصلیٹ ٹوئٹر پربیان میں کہا کہ’ سعودی سفارتکاروں نے اتوار18 ستمبر کو سعودی لڑکی کو فضائی ایمبولینس کے ذریعے اپنی نگرانی میں مملکت بھجوایا ہے‘۔

قونصلیٹ کا کہنا ہے کہ ’سعودی لڑکی کو استنبول سے مملکت منتقل کرانے کی کارروائی اعلی قیادت کی ہدایت پر وزیر خارجہ شہزادہ فیصل بن فرحان کی نگرانی میں کی گئی ہے۔‘

یاد رہے کہ استنبول میں عمارت کی 9 ویں منزل کی کھڑکی سے نیچے گرنے کے باعث سعودی لڑکی کو زخم آئے تھے۔