فوڈ اینڈ ڈرگ اتھارٹی کی عسیر میں فوڈ گودام کے خلاف کارروائی

سعودی فوڈ اینڈ ڈرگ اتھارٹی (ایس ایف ڈی اے) نے عسیر ریجن میں بغیرپرمٹ کام کرنے والے  ایک فوڈ گودام کو چھاپہ مہم کے بعد بند کر دیا۔ 

سبق ویب سائٹ کے مطابق ایس ایف ڈی اے نے جمعرات کو بتایا ہے کہ عسیر ریجن میں کھانے پینے کی اشیا کے گودام کو بند کیا گیا ہے اس کے پاس نہ صرف یہ کہ پرمٹ نہیں تھا بلکہ  اس میں کھانے پینے کی اشیا انتہائی خراب طریقے سے ذخیرہ کی گئی تھیں۔ 

ایس ایف ڈی اے نے بتایا کہ  گودام سے 55 ٹن غذائی اشیا ضبط کی گئیں۔ اس کے بعد اس کے خلاف قانونی کارروائی کر دی گئی۔