دمام میں سیرامک کے گودام میں لگی آگ پر قابو پالیا گیا

سعودی عرب میں شہری دفاع نے سنیچر کو دمام میں سیرامک کے گودام  میں لگنے والی آگ پر قابو پالیا۔

عاجل ویب ساوٹ کے مطابق جنرل ڈائریکٹوریٹ آف سول ڈیفنس نے ٹوئٹر پر بیان میں کہا کہ’ شہری دفاع کی ٹیمیں آگ پر قابو پانے اور اسے پھیلنے سے روکنے میں کامیاب رہیں۔ کوئی جانی نقصان نہیں ہوا‘۔

یاد رہے گزشتہ روز شہری دفاع کی ٹیموں نے السیل روڈ پر فوری کارروائی کرکے آئل ٹینکر میں لگی آگ پر قابو پالیا تھا۔

سوشل میڈیا پر وائرل تصاویر میں دیکھا جا سکتا تھا کہ شہری دفاع کی ٹیمیں آئل ٹینکر میں لگی آگ بجھا رہی ہیں۔ آتشزدگی کے بعد السیل روڈ ٹریفک معطل رہا۔