مدینہ منورہ .... خادم حرمین شریفین عمرہ پروگرام کے تحت نویں گروپ کا پہلا قافلہ مدینہ منورہ پہنچ گیا ۔ سعودی خبر رساں ایجنسی کے مطابق خادم حرمین شریفین شاہ سلمان بن عبدالعزیز آل سعود کی جانب سے عمرہ پروگرام کے تحت 7 ممالک سے 153 افراد پر مشتمل گروپ منگل کو مدینہ منورہ کے شہزادہ محمد بن عبدالعزیز بین ا الاقوامی ہوائی اڈے پہنچا جن کا استقبال خادم حرمین شریفین عمرہ پروگرام کے اعلی عہدیداروں نے کیا ۔ تمام مہمانوں کو مسجد نبوی الشریف سے ملحق ہوٹلوں میں پہنچا دیا گیاجہاں انکی رہائش کا انتظام کیا گیا تھا ۔ شاہی مہمانوں کے اس پہلے قافلے میں چین ، انڈونیشیا، ترکی ، بنگلہ دیش ، ساحل العاج ، ایتھوپیا اور ملائیشیا کے افراد شامل ہیں ۔ گروپ کا دوسرا قافلہ آج مملکت پہنچے گا ۔ واضح رہے مجموعی طور پر نویں قافلے میں 230 معتمرین شاہی مہمان کے طور پر مملکت آئیں گے جو 11 ممالک سے تعلق رکھتے ہیں ۔
