پاکستان کے صوبہ خیبر پختونخوا کے ضلع کوہاٹ میں ایک کشتی ڈیم میں الٹنے سے مدرسے سے 25 طلبہ ڈوب گئے ہیں۔
یہ واقعہ اتوار کو کوہاٹ کے تاندہ ڈیم میں پیش آیا۔ ضلعی انتظامیہ نے اب تک 10 ہلاکتوں کی تصدیق کی ہے۔
دوسری جانب پولیس اور ریسکیو 1122 کی ٹیمیں مزید لاپتا افراد کی تلاش جاری رکھے ہوئے ہیں۔
قبل ازیں ریسکیو 1122 کے ترجمان نے بتایا تھا کہ ’کشتی پر 25 سوار تھے 13 کو نکال لیا گیا ہے جن میں 7 کی حالت نازک ہے، انہیں ہسپتال منتقل کر دیا گیا ہے ۔ اس وقت 12 افراد کی تلاش جاری ہے۔‘
