’گھروں میں موجود بندر جنگلی حیاتیات مرکز کے حوالے کریں‘

سعودی عرب میں جنگلی حیاتیات کی افزائش کے قومی مرکز نےکہا ہے کہ سعودی عرب کے کسی بھی علاقے میں اگر کسی کے پاس بندر (بابون) ہوں تو وہ انہیں سینٹر کے حوالے کریں۔ 

عاجل ویب سائٹ کے مطابق قومی مرکز نے ٹوئٹر پر بیان میں کہا کہ بندر کسی ذمہ داری کے بغیر وصول کیے جائیں گے۔ کسی قسم کا کوئی معاوضہ نہیں دیا جائے گا۔ 

مرکز نے کہا کہ بندر پالنا خطرات کو دعوت دینا ہے۔ ان سے امراض اور وائرس انسان میں منتقل ہو جاتے ہیں۔ علاوہ ازیں گھروں یا زرعی فارموں میں بندر رکھنا ماحولیاتی قانون کی کھلی خلاف ورزی بھی ہے۔ 

جنگلی حیاتیات کی افزائش کے قومی مرکز کا کہنا ہے کہ بندروں کی تعداد بڑھنے سے نقصانات ہوتے ہیں۔ یہ عام افراد کی نسبت بچوں پر حملہ کرتے ہیں۔ ان کی بیماری اور وائرس انسانوں میں فورا منتقل ہوتے ہیں۔ 

 گھروں میں ان کی موجودگی سے ماحولیاتی توازن بگڑتا ہے۔ یہ زراعت کو تباہ و برباد کردیتے ہیں۔ یہ گھروں اور تنصیبات میں گھس کر عوامی املاک کو نقصان پہنچاتے ہیں اور سیاحتی مقامات کو مخدوش کر دیتے ہیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں