مسجد الحرام میں آب زم زم کی بوتلوں کے نئے ڈیزائن کا افتتاح

حرمین شریفین انتظامیہ کے سربراہ اعلی ڈاکٹرعبدالرحمن السدیس نے مسجد الحرام میں آب زم زم کی بوتلوں کے نئے ڈیزائن کا افتتاح کیا ہے۔ تقریب میں انتظامیہ کے اعلی عہدیدار موجود تھے۔

سبق ویب کے مطابق ڈاکٹر عبدالرحمن السدیس نے بتایا کہ ’انتظامیہ مسجد الحرام میں تمام زائرین تک آب زمزم کی فراہمی یقینی بنانے کےلیے ادارے سقیا زمزم قائم کیے ہوئے ہے۔ یہ ادارہ زائرین کی صحت وسلامتی کے ضوابط کی پابندی کرتے ہوئے بوتلیں تقسیم کرتا ہے‘۔

انہوں نے کہا کہ ’زمزم کی نئی بوتلوں کے ڈیزائن میں ہمارے پیش نظر کئی چیزیں تھیں۔ آب زمزم مبارک پانی ہے۔ دوسری چیز یہ ہے کہ شاہ سلمان اور ولی عہد کی دلی خواہش ہے کہ حرمین کے زائرین کو آب زم زم شایان شان طریقے سے پیش کیا جائے‘۔

حرمین شریفین انتظامیہ کے سربراہ اعلی نےاخلاص اور ایثار کے ساتھ زمزم کی بوتلیں زائرین کو پیش کرنے پر سقیا زمزم کے اہلکاروں کا شکریہ ادا کیا۔