جورجینا روڈریگز میچ کے دوران سوشل میڈیا پر کرسٹیانو رونالڈو کے لیے پرجوش

ارجنٹائن کی ماڈل جورجینا روڈریگز ایک حالیہ میچ کے دوران اپنے پارٹنر کرسٹیانو رونالڈو کی سوشل میڈیا پر سپورٹ کرتے ہوئے توجہ کا مرکز بنی رہیں۔

عرب نیوز کے مطابق رواں ہفتے کرسٹیانو رونالڈو النصر کلب کی جانب سے البطین کلب کے خلاف میچ کھیل رہے تھے۔

جورجینا نے اپنے انسٹاگرام پر سٹیڈیم کی ویڈیو پوسٹ کرتے ہوئے سپینش زبان میں لکھا ’ہم جیت گئے۔‘

ارجنٹائن کے فٹبال سٹار کرسیٹانو رونالڈو کے سعودی النصر کلب کے ساتھ معاہدے کے بعد سے جورجینا اور ان کے بچے ریاض میں مقیم ہیں۔

جورجینا کی جانب سے شیئر کی گئی ویڈیو میں ماڈل خاتون اور رونالڈو کی بچوں کو ہاتھ اٹھا کر النصر کلب کی فتح کا جشن مناتے ہوئے دیکھا جا سکتا ہے۔

اس موقعے پر بچوں نے النصر کلب کی ٹیم کے زرد اور نیلے رنگوں والی جرسیاں پہن رکھی ہیں اور وہ اپنے والد کو کھیلتے ہوئے دیکھ رہے ہیں۔

جورجینا نے ایک خاکی ٹاپ جینز کے ساتھ پہن رکھی ہے اور ان کے سر پر ایک بیج کیپ بھی ہے۔

ماڈل اور نیٹ فلکس سٹار جورجینا سعودی عرب میں ہونے والے کرسٹیانو رونالڈو کے فٹبال میچز میں بطور تماشائی شرکت کرتی ہیں۔