واشنگٹن ..... امریکی ماہرین نفسیات کا کہنا ہے کہ بچوں پر ڈانٹ ڈپٹ کے نفسیاتی اور طبعی اثرات پوری زندگی رہتے ہیں۔ یونیورسٹی آف پٹسبرگ کی خاتون ماہرنفسیات کا کہنا ہے کہ بچوں کو ڈانٹنا اخلاقی طور پر درست عمل نہیں۔ نفسیاتی طور پر بھی اس کے بچوں پر منفی اثرات مرتب ہوتے ہیں۔ انھوں نے کہا کہ جن بالغوں کو بچپن میں دھونس اور ڈانٹ کا نشانہ بنایا گیا وہ سگریٹ نوشی اور دیگر نشے کی جانب مائل ہوجاتے ہیں۔ماہر نفسیات کے سروے سے معلوم ہوا کہ بچپن میں ڈانٹ ڈپٹ کھانے والے افراد میں 20 سال بعد ان کا رویہ بہت پرتشدد تھا اور ان کی زندگی میں بہت معاشی مشکلات آئیں۔ اس کے علاوہ اگلے مزید 20 برسوں تک وہ اپنے مستقبل سے مایوس دکھائی دیئے۔ ادھیڑ عمری میں ایسے افراد دل اور شریانی امراض کا شکار بھی زیادہ ہوئے۔ سروے میں ایک اور بات دیکھنے میں آئی کہ جن افراد نے بچپن میں تشدد دیکھا خود انہوں نے اپنے بچوں کو بہت ڈانٹا اور ان پر بھی تشدد کیا جو خطرناک رحجان ہے۔
