سعودی میئر باوقار عالمی لیڈر شپ پروگرام میں شامل ہوں گے

ایک سعودی میئر کو دنیا بھر سے 40 ہم منصبوں کے ساتھ ایک باوقار پروفیشنل منیجمنٹ تربیتی پروگرام میں حصہ لینے کے لیے منتخب کیا گیا ہے۔

عرب نیوز کے مطابق مدینہ ریجن کے عہدیدار فہد البلیھشی بلومبرگ ہارورڈ سٹی لیڈرشپ انیشیٹو کی ساتویں کلاس میں نو ممالک کے میئرز کے ساتھ شرکت کریں گے۔

شرکا کو امید ہے کہ رہائشیوں کے معیار زندگی کو بہتر بنانے اور شہروں میں پائیدار اقتصادی ترقی کے حصول میں مدد کرنے کے لیے تیار ہیں۔

پروگرام کے منتظمین نے کہا ہے کہ ’ اس سکیم کی تکمیل پر شرکا  پبلک سیکٹر کے لیے انتظامی ترقی میں فرق کو ختم کرنے اور شہر کے باسیوں کے طرز زندگی کو بہتر بنانے کے قابل ہو جائیں گے‘۔

یہ انیشیٹو پبلک ایڈمنسٹریشن، لیڈرشپ اور گورننس کو بہتر بنانے کے لیے ہارورڈ کی کوششوں کا حصہ ہے۔ اس کی توجہ کے اہم شعبے تعلیم، ماحولیات، حکومتی اختراعات، صحت عامہ اور فنون لطیفہ ہیں۔

سعودی عرب سے فہد البلیھشی کے ساتھ ساتھ اس انیشیٹو کی ساتویں کلاس میں حصہ لینے والے عہدیدار امریکہ، کینیڈا، اٹلی، ہالینڈ، نیوزی لینڈ، سوئٹزرلینڈ، برازیل اور جنوبی افریقہ سے آئیں گے۔

2017  میں اپنے آغاز کے بعد سے 275 میئرز اور 470 سے زیادہ سینئر سٹی لیڈرز نے پروگرام میں حصہ لیا ہے۔