راولپنڈی .. لائن آف کنٹرول پر ہندوستانی فورسز نے سیز فائر معاہدے کی خلاف ورزی کرتے ہوئے اقوام متحدہ کے فوجی مبصرین کی گاڑی پر فائرنگ کی۔آئی ایس پی آر کے مطابق ایل او سی کے خنجر سیکٹر میں فوجی مبصرین کی گاڑی کو نشانہ بنایا گیا۔گاڑی میں فلپائنی میجر ایمانول اور کروشیا کے میجر مرکو سوار تھے۔ دونوں افسران لائن آف کنٹرول کے دورے پر تھے ۔ انہوں نے گاڑی پر نیلا جھنڈا بھی لہرایا ہوا تھا۔ اس کے باوجود ہندستانی فورسز نے فائرنگ کی۔ فوجی مبصرین محفوظ رہے۔ بحفاظت اپنے دفتر پہنچ گئے۔
