فلم ’ڈان 3‘ میں شاہ رخ خان کی جگہ رنویر سنگھ نے لے لی

بالی وُڈ کی مشہور فلم فرنچائز ’ڈان‘ کی تیسری فلم ’ڈان 3‘ کا اعلان کر دیا ہے۔

ڈان 3 کا ٹیزر بدھ کے روز یوٹیوب جاری کیا گیا جس میں بالی وُڈ سپرسٹار رنویر سنگھ ڈان کا کردار ادا کر رہے ہیں۔

یہاں دلچسپ بات یہ ہے کہ ڈان کے ہدایت کار فرحان اختر کی اس فلم سیریز میں شاہ رخ خان ہی ڈان کا کردار نبھاتے رہے ہیں، تاہم اس مرتبہ ایکسل موویز نے رنویر سنگھ کو ڈان میں کاسٹ کیا ہے اور شاہ رخ خان سے راہیں جدا کر لی ہیں۔

ڈان 3 کے ٹیزر میں رنویر سنگھ کو ایک بڑے کمرے میں بیٹھا دیکھا جا سکتا ہے جہاں وہ بطور ڈان اپنا خوب جلوہ دکھاتے ہیں۔ 

ٹیزر میں رنویر سنگھ بطور ڈان ڈائیلاگ ’11 ملکوں کی پولیس ڈھونڈتی ہے مجھے، پر پکڑ پایا ہے مجھ کو کون؟ میں ہوں ڈان‘ بھی بولتے ہیں۔

رنویر سنگھ کی ڈان 2025 میں ریلیز کی جائے گی۔

یہاں اگر ڈان فلم سیریز کی بات کی جائے تو اس میں شاہ رخ خان سے پہلے بالی وُڈ لیجنڈ امیتابھ بچن نے 1978 میں فلم ’ڈان‘ بنائی تھی۔

اس کے بعد 2006 میں فرحان اختر نے ڈان میں شاہ رخ خان کو کاسٹ کا جن کے ساتھ پرینکا چوپڑا نے بطور ہیروئن کام کیا تھا۔

اس کے بعد 2011 میں ڈان 2 ریلیز ہوئی، اس فلم میں بھی شاہ رخ خان اور پرینکا چوپڑا لِیڈ رول میں تھے۔

دنیا بھر میں شاہ رخ خان کے مداح کئی برسوں سے ڈان 3 کے انتظار میں تھے، تاہم ایکسل موویز کی جانب سے اُن کے بجائے فلم میں رنویر سنگھ کو کاسٹ کرنے پر سماجی رابطوں کی ویب سائٹ ٹوئٹر پر کنگ خان کے فین سخت ردِعمل دے رہے ہیں۔

ٹوئٹر ہینڈل چلا ایس آر کین نامی اکاؤںٹ نے اپنی ٹویٹ میں لکھا کہ ’میں نہیں چاہتا کہ شاہ رخ خان دوبارہ ایکسل کے ساتھ کام کرے۔‘
 

ناکُل تبصرہ کرتے ہوئے کہتے ہیں کہ ’اوہ بھائی، یہ بہت برا ٹیزر ہے، آپ سب کو لگے گا کہ یہ ڈان کی پیروڈی ہے۔‘

ٹوئٹر ہینڈل ٹوٹل گیمنگ اپنی ٹویٹ میں لکھتے ہیں کہ ’اس سال کا سب سے بڑا لطیفہ یہ ہے کہ یہ لوگ شاہ رخ خان کے بغیر ڈان 3 بنائیں گے۔‘

انمول جیسوال کہتے ہیں کہ ’میں کسی کی کوئی بے عزتی نہیں کرنا چاہتا، تاہم یہ اس تاریخی فرنچائز کا بہت ہلکا ٹیزر ہے۔‘

جسٹ آ فین نے لکھا کہ ’فرحان اختر آپ رنویر سنگھ کو ڈان 3 میں تھوڑے اچھے طریقے سے دکھا سکتے تھے۔ اسے شاہ رخ خان جیسا دکھانے کی کوشش کر رہے ہیں، وہ ایک فیصد بھی شاہ رخ خان جیسے نہیں لگ رہا۔‘