پاکستان کرکٹ ٹیم کے سابق کپتان وسیم اکرم نے پاکستان کرکٹ بورڈ (پی سی بی) کی متنازع ویڈیو پر شدید تنقید کرتے ہوئے اُسے ڈیلیٹ کرنے کا مطالبہ کر دیا ہے۔
وسیم اکرم نے بدھ کے روز اپنی ٹویٹ میں پی سی بی کو آڑھے ہاتھوں لیتے ہوئے شدید تنقید کا نشانہ بنایا۔
سوئنگ کے سلطان اپنی ٹویٹ میں کہتے ہیں کہ ’طویل پروازیں لے کر سری لنکا پہنچنے کے بعد مجھے میری زندگی کا سب سے بڑا جھٹکا تب لگا جب میں پاکستان کرکٹ کی تاریخ پر پی سی بی کی مختصر ویڈیو دیکھی جس میں عظیم عمران خان شامل نہیں تھے۔‘
بائیں ہاتھ کے عظیم فاسٹ بولر نے مزید کہا کہ ’سیاسی نظریات سے قطع نظر لیکن عمران خان کرکٹ کی دنیا کے آئیکن ہیں اور انہوں نے اپنے وقت میں پاکستان کو مضبوط ٹیم بنایا اور ہمیں راہ دکھائی۔‘
وسیم اکرم نے پی سی بی سے ویڈیو ڈیلیٹ کرنے کا مطالبہ کرتے ہوئے کہا کہ ’پی سی بی کو یہ ویڈیو ڈٰیلیٹ کر دینی چاہیے اور معافی مانگنی چاہیے۔‘
After long flights and hours of transit before reaching Sri Lanka, I got the shock of my life when I watched PCB’s short clip on the history of Pakistan cricket minus the great Imran Khan… political differences apart but Imran Khan is an icon of world cricket and developed…
— Wasim Akram (@wasimakramlive) August 16, 2023
یہاں یاد رہے کہ پی سی بی کی جانب سے ملک کے 76ویں یوم آزادی کے موقع پر سوشل میڈیا پر ایک اعزازی ویڈیو اپلوڈ کی گئی جس میں پاکستان کرکٹ ٹیم کے تاریخی لمحات اور فتوحات کو پیش کیا گیا۔
اِس ویڈیو میں 1992 کے ورلڈ کپ سمیت 2009 کے ٹی20 ورلڈ کپ، 2017 کی چیمپیئنز ٹرافی اور سنہ 2000 اور 2012 کے ایشیا کپ کی جھلکیاں دکھانے کے ساتھ ساتھ ٹیم کی بقایا بڑی فتوحات کو بھی دکھایا گیا۔
حیران کُن طور پر اس ویڈیو میں پاکستان کے سابق وزیراعظم اور سابق کپتان عمران خان کو مکمل طور پر نظر انداز کیا گیا۔
Making history isn't just about one day, it's about the legends we create and the tales we script
Pakistan Cricket Team – a legacy that echoes through time #BeyondJustOneDay pic.twitter.com/grC0YVC5Xi
— Pakistan Cricket (@TheRealPCB) August 14, 2023
