ابھرتے ہوئے سعودی موسیقاروں کے لیے ’میوزک فار فلم‘ پروگرام

ریڈ سی لیبز نے ابھرتے ہوئے موسیقاروں کی مدد اور ترقی کے لیے ایک نئے ’میوزک فار فلم‘  پروگرام کا اعلان کیا ہے۔

عرب نیوز کے مطابق اس پروگرام کا مقصد ان موسیقاروں کو عالمی سطح پر معروف، ایوارڈ یافتہ موسیقاروں اور ماہرین کی قیادت میں ایک حسب ضرورت کورس فراہم کرنا ہے۔

سات روزہ پروگرام سعودی باشندوں کو ہدف بناتا ہے جس سے انہیں فلم کے لیے موسیقی ترتیب دینے کا طریقہ سیکھنے کا موقع ملتا ہے۔

مملکت کے پاس بہت سے باصلاحیت موسیقار ہیں تاہم صرف چند کے پاس فلم کے لیے علم، مہارت اور پس منظر ہے۔

ریڈ سی لیبز کا مقصد ایک ایسا پروگرام پیش کر کے اس خلا کو پر کرنا ہے جو نظریاتی علم اور عملی کاموں کو یکجا کرتا ہے۔

کمپوزر اپنی سیکھی ہوئی چیزوں کے ساتھ اپلائی کر سکتے ہیں اور سائٹ پر موجود ٹیوٹرز سے فوری فیڈ بیک حاصل کر سکتے ہیں۔

یہ پروگرام موسیقاروں کا  ہدایت کاروں کے ساتھ پیئر اور  تعاون کو فروغ دے کر فلم سکورنگ کے علم میں اضافہ کر کے فلم سازی کی حمایت کرتا ہے۔ یہ تعاون ہدایت کاروں کو فلم کے موڈ کو تیز کرنے میں موسیقی کے کردار کو سمجھنے میں مدد کرتا ہے۔

باہمی تعاون کے طریقہ کار کا مقصد موسیقاروں کی مہارت کو نکھارنا، ان کی کہانی سنانے کی جبلت کو بہتر بنانا اور ان کے منفرد موسیقی کے انداز کو فلم سکورنگ میں شامل کرنا ہے۔

یہ پروگرام موسیقاروں کو سکورنگ کے لیے مخصوص تکنیکی مہارتوں سے آراستہ کرتا ہے جس میں موسیقی کی مختلف انواع کو سمجھنا اور مختلف قسم کی فلموں کے لیے آلہ سازی شامل ہے۔

شرکا موسیقی کو بصری اشارے سے ہم آہنگ کرنے اور مخصوص مناظر کے لیے کمپوز کرنے کی تکنیک بھی سیکھیں گے۔

یہ پروگرام ریڈ سی لیبز کے مشن کا ایک لازمی جزو ہے جس سے فلم سازوں، مصنفین اور صنعت کے پیشہ ور افراد کے لیے ایک پلیٹ فارم فراہم کرنا ہے۔

یہ پروگرام 9 سے 15 اکتوبر تک  ہو گا۔