سعودی عرب میں ریاض ریجن میونسپلٹی نے کہا ہے کہ ’سال رواں 2023 کے ابتدائی چھ ماہ کے دوران 20 ہزار767 تجارتی لائسنس جاری کیے گئے جبکہ گزشتہ برس کے اسی عرصے کے دوران یہ تعداد 15 فیصد زیادہ ہے‘۔
الاقتصادیہ کی رپورٹ کے مطابق گزشتہ سال ابتدائی چھ ماہ کے دوران 18 ہزار13 تجارتی لائسنس جاری ہوئے تھے۔
ریاض میونسپلٹی نے بیان میں کہا کہ ’سب سے زیادہ تجارتی لائسنس 3169 الروضہ بلدیاتی کونسل نے جاری کیے جبکہ البطحا بلدیاتی کونسل 2262 کے ساتھ دوسرے، شمالی ریاض کی بلدیہ 1966 سے تیسرے نمبر پر رہی‘۔
ریاض میونسپلٹی کا کہنا ہے کہ’ تجارتی لائسنسوں کی تعداد میں پندرہ فیصد اضافے کی وجہ دارالحکومت میں تعمیراتی منصوبوں کی بھرمار ہے‘۔
