پاکستان اور خلیج تعاون کونسل کے درمیان آزاد تجارت کا ابتدائی معاہدہ طے پا گیا ہے۔
پاکستان کی وزارت کامرس کی جانب سے جاری اعلامیے میں کہا گیا ہے کہ جمعرات کو ریاض میں جی سی سی ہیڈکوارٹرز میں سیکریٹری جنرل جاسم محمد البديو اور نگران وفاقی وزیر برائے صنعت و پیداوار ڈاکٹر اعجاز گوہر نے آزاد تجارت کے ابتدائی معاہدے (ایف ٹی اے) پر دستخط کیے۔
وزارت کامرس کے مطابق جمعرات کو طے پانے والا یہ معاہدہ دونوں اطراف کے اقتصادی تعاون میں سنگ میل کی حیثیت رکھتا ہے۔
مزید پڑھیں
جمعے کو نگران وفاقی وزیر برائے صنعت و پیداوار ڈاکٹر اعجاز گوہر نے سوشل میڈیا ویب سائٹ ایکس (ٹوئٹر) پر معاہدے کے حوالے سے بیان میں کہا کہ خلیجی تعاون کونسل (جی سی سی) کا 2009 کے بعد سے کسی بھی ملک کے ساتھ یہ پہلا آزادانہ تجارت کا معاہدہ ہے۔
انہوں نے کہا کہ پاکستان کے تمام جی سی سی رکن ممالک کے ساتھ بہترین تعلقات ہیں اور آزاد تجارت کا معاہدہ (ایف ٹی اے) یقینی بنائے گا کہ ہمارے معاشی تعلقات بھی اسی نوعیت کے ہوں۔
ڈاکٹر اعجاز گوہر نے اس معاہدے کو ممکن بنانے کے لیے سیکریٹری جنرل جی سی سی جاسم محمد البديو کا شکریہ ادا کیا۔
انہوں نے دونوں فریقین کی مذاکراتی ٹیموں کا بھی محنت اور تندہی سے کام کرنے پر شکریہ ادا کیا۔
I am happy to announce that we have concluded the negotiations with the Gulf Cooperation Council (GCC) for finalising the Pakistan-GCC Free Trade Agreement (FTA) at Riyadh.
The FTA has been the first by GCC with any country since 2009. We have excellent relations with all the… pic.twitter.com/qXgiABKNMK
— Dr Gohar Ejaz (@Gohar_Ejaz1) September 29, 2023
