برزبن....آسٹریلیا کی ویمنز ٹیم کی کپتان میگ لیننگ نے کہا ہے کہ اپنی قیادت میں ساتواں ورلڈ کپ جیت کر آسٹریلیا کے لئے نیا ریکارڈ قائم کرنا چاہتی ہوں۔24جون سے شروع ہو نے والے میگا ایونٹ میں آسٹریلوی ٹیم اپنے اعزاز کا دفاع کرے گی جس نے 2013میں یہ ٹائٹل چھٹی مرتبہ جیتا تھا میگ لیننگ اس وقت کھلاڑی کی حیثیت سے ٹیم کا حصہ تھیں اور قیادت کے فرائض جوڈی فیلڈ نے انجام دیئے تھے۔ورلڈ کپ کیلئے ٹیم کا کیمپ اسی ہفتے شروع ہو رہا ہے جس کے دوران ٹیم کی ارکان کو ان سابق کپتانوں سے ملنے کا موقع بھی فراہم کیا جائے جن کی قیادت میں آسٹریلیا نے ورلڈ کپ ٹائٹلز جیتے ۔
