سعودی کابینہ نے منگل کو ریاض میں ہونے والے اجلاس میں سعودی عرب، قطر کے تعلقات پر تبادلہ خیال کیا ہے۔
سرکاری خبر رساں ایجنسی ایس پی اے کے مطابق شاہ سلمان بن عبدالعزیز کی زیر صدارت اجلاس میں ولی عہد شہزادہ محمد بن سلمان کے دورہ قطر اور امیر قطر شیخ تمیم بن حمد آل ثانی کے ساتھ ہونے والی بات چیت کا جائزہ لیا گیا۔
کابینہ نے سعودی، قطر رابطہ کونسل کے اجلاس کی کامیابیوں کو سراہا جس میں دونوں ملکوں کےدرمیان مختلف معاہدوں اور مفاہتت کی یادداشتوں کو اجاگر کیا گیا۔
اجلاس میں امیر کویت شیخ نواف الاحمد الجابر الصباح کے انتقال پر تعزیت کا اظہار اور کویت کے نئے امیر شیخ مشعل الاحمد الجابر الصباح کو ملک کی قیادت سنبھالنے پر مبارکباد دی۔
#فيديو_واس | #خادم_الحرمين_الشريفين يرأس جلسة #مجلس_الوزراء.https://t.co/3cG9ir9FuU
#واس pic.twitter.com/rvV8wXFTWl— واس الأخبار الملكية (@spagov) December 19, 2023