ایکبار پھر لڑکیوں نے بازی مارلی

 ٹاپ ٹین میں 7طالبات رہیں، پرنسپل کی والدین اور بچوں کو مبارکباد

منامہ(ابوزید نعمان) سی بی ایس نئی دہلی کے زیر اہتما م ہونے والے 10ویں جماعت کے سالانہ امتحان میں ابن ہیثم اسلامک اسکول کا رزلٹ سو فیصد رہا۔ اس امتحان میں تقریباً121بچوں نے حصہ لیا۔ ٹاپ ٹین میں 7طالبات رہیں۔90فیصد سے زیادہ نمبر لانے والوں میں عبیر فیصل، احمد صادق، اجیت، اشوت، ہشام، فاطمہ ثناء،حسینہ ، ظفر ، خدیجہ خانم، منصو راحمد، ملک امان، نداشامل ہیں۔اس موقع پر اسکول کے چیئرمین شکیل احمد اعظمی، پرنسپل ڈاکٹر محمد طیب نے والدین اور بچوں کو مبارکباد پیش کی اور معلمات و اساتذہ کا شکریہ ادا کیا۔