جدہ: کورنیش کی ذیلی سڑک 25 دنوں کے لیے بند
جمعرات 1 فروری 2024 18:38
فارمولا ون ٹریک پر جانے والی شاہراہ اصلاح و مرمت کا کام جاری ہے(فوٹو، ایکس )
جدہ ٹریفک پولیس کا کہنا ہے کہ کورنیش جانے والی ذیلی شاہراہ کو اصلاح و مرمت کی غرض سے بند کردیا گیا ہے۔ فارمولا ون ٹریک اوراس علاقے کی مرمت مکمل ہونے کے بعد ذیلی شاہراہ کو کھول دیا جائے گا۔
عاجل نیوز کے مطابق ٹریفک پولیس کے ایکس اکاونٹ (سابق ٹوئٹر) پر اس حوالے سے مذید کہا گیا ہے کہ جدہ کورنیش کو جانے والی ذیلی سڑک جو فارمولا ون ٹریک کو جاتی ہے یکم فروری 2024 سے بند کر دی گئی ہے۔
شاہراہ پر ترقیاتی و اصلاحی کام کئی دنوں تک جاری رہے گا۔
ذیلی شاہراہ پرترقیاتی و اصلاحی کام مکمل ہونے کے بعد 25 فروری کو دوبارہ عام ٹریفک کے لیے کھول دیا جائے گا۔
