بچت سکیم کا آغاز، آج سے منگل تک شیئر خریدنے کا موقع

قومی مرکز برائے قرضہ جات نے کہا ہے کہ سعودی شہریوں کے لیے قومی بچت سکیم کا آغاز آج اتوار سے ہوگا۔

سبق ویب سائٹ کے مطابق سعودی ریال پر مبنی حکومتی صکوک خریدنے پر فروری کے مہینے میں 5.64 فیصد منافع ملے گا۔

مرکز نے کہا ہے کہ ’رجسٹریشن منگل 6 فروری تک جاری ہے جس میں ایک شیئر کی قیمت ایک ہزار ریال ہے‘۔

’شہری زیادہ سے زیادہ 200 شیئر خرید سکتے ہیں جن کی مالیت کی حد دو لاکھ ریال ہے‘۔

واضح رہے کہ بچت سکیم کو ’صح‘ کا نام دیا گیا ہے اور یہ شریعت اسلامی کے موافق منافع بخش ہے جو 18 سال سے زیادہ عمر کے شہریوں کے لیے ہے۔

صکوک میں شیئر خریدنے کے لیے الاہلی، الجزیرہ، الانما، الأول اور راجحی بینکوں کے آن لائن سرورس سے رجوع کیا جائے گا۔