مراکش کے دارالحکومت رباط کے شمال میں واقع قصبے سیدی علال التازی میں میتھانول سے کشید کی گئی شراب پینے سے آٹھ افراد ہلاک اور 81 کی حالت غیر ہو گئی۔
روئٹرز نیوز ایجنسی کے مطابق وزارت صحت نے بدھ کے روز بتایا ہے کہ متاثرہ افراد کو طبی نگہداشت کے مرکز میں رکھا گیا ہے۔
وزارت نے ایک بیان میں کہا ہے کہ تمام اموات منگل اور بدھ کی درمیانی شب ایک ہسپتال میں درج کی گئیں تاہم حکام اس افسوسناک واقعے کی تحقیقات کر رہے ہیں۔
