یوم عرفہ پر ایک دل چھو دینے والا منظر دیکھنے میں آیا ہے۔ ایک عازم حج کی اپنی والدہ کو کندھوں پر اٹھا کر لے جانے کی وڈیو وائرل ہے۔
عازم حج کی معمر والدہ شدید گرمی کے باعث تھکان محسوس کررہی تھیں اور انہیں چلنے میں مشکل تھی۔
جس پر بیٹے نے اپنی والدہ کو کندھوں پر بٹھا لیا اور مناسک حج ادا کیے۔
الاخباریہ کی وڈیو میں دیکھا جا سکتا ہے ایک عازم حج شدید گرمی میں اپنی والدہ کو کندھوں پر بٹھائے ہوئے ہے جبکہ دوسرا عازم حج معمر خاتون کو دھوپ سے بچانے کے لیے ان کے اوپر چھتری کا سایہ کیے چل رہا ہے۔
یاد رہے کہ حج 2024 اپنے اختتامی مراحل میں داخل ہو گیا ہے جبکہ حجاج کل دوسرے دن کی رمی کریں گے۔
اتوار کو حجاج کی بڑی تعداد پہلے دن کی رمی کے بعد طواف افاضہ کے لیے مکہ مکرمہ پہنچ رہی ہے جبکہ حجاج کی جانب سے بڑے شیطان کو کنکریاں مارنے کا سلسلہ جاری ہے۔
