حائل ریجن میں پولیس نے گاڑیوں کے شیشے توڑنے والے سعودی شہری کو حراست میں لے لیا۔ ملزم نفسیاتی مسائل کا شکار بتایا جاتا ہے۔
عاجل نیوز کے مطابق ریجنل پولیس کی جانب سے جاری بیان میں کہا گیا ہے کہ سوشل میڈیا پر وائرل ہونے والی وڈیو میں ایک شخص کو گاڑیوں کے شیشے توڑتے دکھایا گیا تھا جس پرپولیس نے ملزم کی نشاندہی کی اور اسے حراست میں لے لیا۔
پولیس کا کہنا تھا کہ ابتدائی تفتیش میں معلوم ہوا کہ ملزم نفسیاتی مسائل کا شکار تھا جس نے علاقے میں کھڑی متعدد گاڑیوں کے شیشے توڑے تھے۔ ملزم کے خلاف مقدمہ دائر کرکے اسے متعلقہ ادارے کے سپرد کردیا گیا۔
