سعودی چیف آف جنرل سٹاف کی کویتی ہم منصب سے ملاقات

سعودی چیف آف جنرل سٹاف لیفٹیننٹ جنرل فیاض بن حامد الرویلی  نے  کویتی  آرمی چیف آف جنرل سٹاف لیفٹیننٹ جنرل پائلٹ بندر بن سالم المزین اور ہمراہ وفد کا استقبال کیا۔

سعودی خبررساں ادارے ’ایس پی اے‘ کے مطابق فریقین نے ریاض میں جنرل سٹاف کے ہیڈکوارٹر میں ملاقات کی جس میں انہوں نے دونوں برادر ممالک کے درمیان دفاعی وعسکری حوالوں سے دوطرفہ تعاون اور اسے مزید بڑھانے کے طریقوں کا جائزہ لیا علاوہ ازیں باہمی دلچسپی کے امور پربھی تبادلہ خیال کیا گیا۔

فیاض الرویلی نے کویتی آرمی چیف کی آمد پر ان کا شاندار استقبال کیا اور سرکاری استقبالیہ تقریب کا انعقاد کیا گیا۔

اس موقع پر بحری  افواج کے چیف آف سٹاف لیفٹیننٹ جنرل فھد بن عبداللہ الغفیلی، سٹراٹیجک میزائل فورس کے  کمانڈر لیفٹیننٹ جنرل جار اللہ  بن محمد العلویط، زمینی افواج کے چیف آف سٹاف لیفٹیننٹ جنرل فھد بن عبداللہ المطیر، کمانڈر ایئر ڈیفنس فورسز لیفٹیننٹ جنرل مزید بن سلیمان العمرو اور دونوں اطراف کے کئی سینیئر افسران بھی موجود تھے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں