فلسطینی صدر محمود عباس سرکاری دورے پر سعودی عرب پہنچ گئے

فلسطین کے صدر محمود عباس پیر کو سرکاری دورے پر سعودی عرب پہنچ گئے۔

ایس پی اے کے مطابق دارالحکومت ریاض کے کنگ خالد انٹرنیشنل ایئرپورٹ پر نائب گورنر شہزادہ محمد بن عبدالرحمن بن عبدالعزیز اور وزیر خارجہ شہزادہ فیصل بن فرحان نے ان کا خیرمقدم کیا۔

 فلسطینی ریاست میں غیرمقیم سعودی سفیر اور یروشلم میں قونصل جنرل نایف بن بندر السدیری، مملکت میں فلسطینی سفیر باسم الاغا اور رائل پروٹوکول کے انڈر سیکرٹری فہد الصھیل بھی موجود تھے۔