سعودی خصوصی بچی کے ویٹ لفٹنگ میں دو میڈل

سعودی عرب میں قصیم ریجن کے گورنر شہزادہ ڈاکٹر فیصل بن مشعل بن سعود نے سعودی ایتھلیٹ لڑکی فجر السمری کو تھائی لینڈ میں ہونے والے خصوصی بچوں کے گیمز میں دو میڈل جیتنے پر مبارکباد دی ہے۔

سعودی خبررساں ایجنسی ’ایس پی اے‘ کے مطابق الرس کمشنری سے تعلق رکھنے والی سعودی بچی نے  ویٹ لفٹنگ میں گولڈ جبکہ ویٹ لفٹنگ کی بیلنس کیٹیگری میں سلور میڈل جیتا۔

گورنر قصیم ریجن شہزادہ ڈاکٹر فیصل بن مشعل نے بچی کو گورنریٹ میں مدعو کیا اور اس کی جیت پر اسے مبارک باد دیتے ہوئے اسے وطن عزیز اور علاقے کا فخر قراردیا ۔

ایتھلیٹ فجر السمری نے اس موقع پر گورنر قصیم کا شکریہ ادا کرتے ہوئے کہا گورنر کی جانب سے کی جانے والی حوصلہ افزائی اس کی کامیابیوں کے مزید در کھولے گی۔