سعودی عرب میں سیکنڈری سکول کے طلبا کے لیے قومی لباس کی پابندی

سعودی وزارت تعلیم نے جمعے کو ایک نئی پالیسی کا اعلان کیا ہے جس کے تحت سرکاری اور نجی اداروں میں سکینڈری سکول کے طلبہ کےلیے قومی ڈریس کوڈ پر عمل کرنا لازمی ہوگا۔

ایس پی اے کے مطابق یہ وزارت تعلمیم نے یہ پالیسی سعودی ولی عہد شہزادہ محمد بن سلمان کی ہدایات پرعمل کرتے ہوئے جاری کی ہے۔

وزارت تعلیم نے سرکاری اور نجی تعلیمی اداوں میں سیکنڈری سکول کے طلبا کے لیے قومی لباس لازمی قراردیا ہے۔ غیرملکی تعلیمی ادارے اس سے مستثنی ہوں گے۔

 وزارت تعلیم کی جانب سے تمام ریجنل ایجوکیشن ڈائریکٹرز کو احکامات جاری کیے گئے ہیں کہ ثانوی لیول کے تمام سعودی طلبا کے لیے قومی لباس (ثوب، غترہ یا شماغ ) لازمی قرار دیا جائے۔ غیرملکی طلبا کے لیے صرف ثوب کی پابندی ہوگی۔

واضح رہے سعودی سکولوں میں زیر تعلیم طلبا کے قومی لباس ’ثوب، غترہ (سرپر لیے والا سفید رومال) شماغ (لال رومال) کو لازمی قرار دیا ہے۔

سعودی سکولوں میں زیر تعلیم غیرملکی طلبا کا یونیفارم صرف ثوب ہو گا وہ غترہ یا شماغ استعمال نہیں کریں گے۔