جنوبی غزہ کے ہسپتالوں اور صحت مراکز کےلیے سعودی عرب کی امداد

سعودی عرب کی امدادی ایجنسی شاہ سلمان مرکز کے تحت ایک اور امدادی قافلہ غزہ پہنچا ہے۔

یہ جنوبی غزہ کے ہسپتالوں اور صحت مراکز میں فلسطینی عوام کو ریلیف فراہم کرنے کی مہم کا ایک حصہ ہے۔

ایس پی اے کے مطابق سعودی سینٹر فار کلچر اینڈ ہیریٹج نے جو غزہ کی پٹی میں شاہ سلمان مرکز کا ایگزیکٹیو پارٹنر ہے، متعلقہ حکام کے ساتھ مل کر امداد کی تقسیم شروع کی ہے تاکہ موجودہ صورتحال میں طبی سامان کی قلت سے دوچار ہسپتالوں اور صحت مراکز تک امداد کی فراہمی یقینی بنائی جائے۔

یہ امداد سعودی عرب کے انسانی کردار کے فریم ورک کے تحت آتی ہے جس کا مقصد مختلف بحرانوں اور مصائب میں فلسطینی عوام کے ساتھ کھڑے رہنا ہے۔

یاد رہے شاہ سلمان مرکز غزہ پٹی کے متاثرین کی مدد کے لیے فضائی پل بھی قائم کیے ہوئے ہے۔

سعودی عرب نے 20 ایمبولینسیں بھی بھیجی ہیں جبکہ غزہ کے فلسطینی متاثرین کی مدد کے  لیے عطیات مہم بھی چلائی گئی۔