سہ ملکی سیریز کے ٹکٹس کی فروخت شروع، قیمتیں کیا ہوں گی؟

پاکستان کی میزبانی میں ہونے والی نیوزی لینڈ اور جنوبی افریقہ کے ساتھ سہ ملکی سیریز کے ٹکٹوں کی فروخت آج شام چار بجے سے شروع ہوگی۔

پاکستان کرکٹ بورڈ (پی سی بی) کے مطابق آن لائن ٹکٹس ٹی سی ایس کی ویب سائٹ پر دستیاب ہوں گے، جبکہ فزیکل ٹکٹس بھی منگل سے ٹی سی ایس کے آٹھ ایکسپریس سینٹرز سے خریدے جا سکیں گے۔ ایک شناختی کارڈ پر 10 ٹکٹ تک خریدے جا سکتے ہیں۔

شائقین کی سہولت کے لیے سہ ملکی سیریز 8 سے 14 فروری تک لاہور اور کراچی میں کھیلی جائے گی، جہاں میچز نئے اپ گریڈ شدہ قذافی سٹیڈیم اور نیشنل بینک سٹیڈیم میں کھیلے جائیں گے۔

پی سی بی نے ٹکٹوں کی قیمت کو کم سے کم رکھتے ہوئے کہا ہے کہ ان کی قیمت 350 روپے سے شروع ہوگی۔

ویک اینڈ میچز کے ٹکٹس 500 روپے سے شروع ہوں گے۔ ان میچز میں 8 فروری کو قذافی سٹیڈیم میں ہونے والا پاکستان بمقابلہ نیوزی لینڈ اور 14 فروری کو نیشنل بینک سٹیڈیم میں ہونے والا فائنل شامل ہیں۔

قذافی سٹیڈیم لاہور 

قذافی سٹیڈیم میں کل 2 میچز ہوں گے جن میں 8 فروری کو پاکستان اور نیوزی لینڈ کے درمیان افتتاحی میچ اور 10 فروری کو دوسرا ون ڈے میچ شامل ہیں۔

لاہور میں نئے تعمیر ہونے والے جناح اینڈ پر ماجد خان اور ظہیر عباس وی وی آئی پی انکلوژرز کی ٹکٹ ہفتے کے لیے 5 ہزار روپے جبکہ پیر کے لیے 4 ہزار روپے کی ہوگی۔

اقبال اینڈ پر وقار یونس اور وسیم اکرم (وی وی آئی پی انکلوژرز) کے لیے شائقین ہفتہ کا میچ 3,500 روپے میں دیکھ سکتے ہیں، جبکہ پیر کے میچ کے لیے ٹکٹ کی قیمت 2500 روپے ہوگی۔

وی آئی پی انکلوژرز (فضل محمود اور عمران خان) شائقین کے لیے ہفتہ کے میچ کے لیے 2,000 روپے میں دستیاب ہوں گے، جبکہ پیر کو، شائقین اسی انکلوژرز سے 1500 روپے میں میچ سے لطف اندوز ہو سکتے ہیں۔

پریمیم انکلوژرز (راجس اور سعید انور) شائقین کے لیے ہفتہ کو سہ فریقی سیریز کے افتتاحی میچ کے لیے 1,500 روپے میں دستیاب ہوں گے، جبکہ پیر کے میچ کے لیے ٹکٹ کی قیمت ایک ہزار روپے ہوگی۔

قذافی سٹیڈیم میں جنرل انکلوژرز (حنیف محمد، امتیاز احمد، انضمام الحق اور سعید احمد) کی پیر کے لیے ٹکٹ 350 روپے جبکہ ہفتے کے لیے ٹکٹ 500 روپے ہوگی۔

فرسٹ کلاس انکلوژرز (عبدالحفیظ کاردار، عبدالقادر، جاوید میانداد اور سرفراز نواز) کی ٹکٹیں پیر کے میچ کے لیے ایک ہزار جبکہ ہفتے کے میچ کے لیے 1500 روپے میں دستیاب ہوں گی۔ 

لاہور میں شائقین کو گیلری باکسز سے میچ دیکھنے کے لیے 6 ہزار روپے خرچ کرنے ہوں گے اور پیر کے میچ کے لیے 5 ہزار روپے میں میچ دیکھا جا سکے گا۔ 

نیشنل بینک سٹیڈیم کراچی

کراچی کے نیشنل بینک سٹیڈیم میں 2 میچز ہوں گے جن میں 12 فروری کو تیسرا ون ڈے اور 14 فروری کو ٹرائی نیشن سیریز کا فائنل شامل ہیں۔

کراچی کے نیشنل بینک سٹیڈیم کے جنرل انکلوژرز (آصف اقبال، نذر محمد، وقار حسن اور یونس خان) کے ٹکٹ شائقین کے لیے بدھ کو 350 روپے میں دستیاب ہوں گے، جبکہ جمعہ کو سہ فریقی سیریز کے فائنل کے لیے ٹکٹیں 500 روپے میں دستیاب ہوں گی۔ 

فرسٹ کلاس انکلوژرز (عمران خان، انتخاب عالم، وسیم اکرم، وسیم باری اور شاہد آفریدی) کے داخلے کے ٹکٹ بدھ کو میچ کے لیے 750 روپے میں دستیاب ہوں گے، جبکہ جمعہ کو ہونے والے فائنل کے لیے 1000 روپے میں دستیاب ہوں گے۔

پریمیم انکلوژرز (اقبال قاسم، محمد برادرز، نسیم الغنی) شائقین کے لیے بدھ کے میچ کے لیے ایک ہزار روپے میں جبکہ جمعہ کے میچ کے لیے ٹکٹ 1500 روپے میں دستیاب ہوں گے۔

وی آئی پی انکلوژرز (فضل محمود، حنیف محمد اور جاوید میانداد) کے ٹکٹوں کی قیمت بدھ کے میچ کے لیے 1,500 روپے ہوگی، جبکہ جمعہ کو شیڈول فائنل کے لیے اس کی قیمت 2 ہزار روپے ہوگی۔ 

یونیورسٹی اینڈ پر واقع وی وی آئی پی انکلوژرز (ماجد خان اور ظہیر عباس) کی ٹکٹیں بدھ کے میچ کے لیے 4 ہزار روپے جبکہ جمعہ کے فائنل میچ کے لیے 5 ہزار میں دستیاب ہوں گی۔

گیلری کی سیٹیں شائقین کے لیے بدھ کے میچ کے لیے 5 ہزار روپے میں دستیاب ہوں گی جبکہ جمعہ کا میچ دیکھنے کے لیے شائقین کو 6 ہزار روپے خرچنے ہوں گے۔