رمضان کے آخری عشرے میں مسجد نبوی روضہ شریفہ میں نماز کےلیے شیڈول کا اعلان

مسجد نبوی کی انتظامیہ نے ماہ رمضان کے آخری عشرے میں روضہ شریفہ( ریاض الجنہ) میں نماز کےلیے شیڈول کا اعلان کیا ہے۔

سبق نیوز کے مطابق ادارہ امور حرمین شریفین کا کہنا ہے مردوں کے لیے روضہ شریفہ کی زیارت کا آغاز صبح 11:20 سے رات  8 بجے تک ہوگا۔

دوسرے مرحلے میں رات 11 بجے سے 12 تک اور تیسرا مرحلہ صبح کے 2 سے 5 بجےتک ہوگا۔

خواتین کے لیے صبح 6 سے 11 بجے تک کا وقت مقرر ہے۔

ادارہ امور حرمین کا مزید کہنا ہے ریاض الجنہ میں نوافل کی ادائیگی کے لیے نسک پورٹل کے ذریعے پیشگی وقت حاصل کرنے ضروری ہے جس کا مقصد ازدحام پر قابو پانا اور زیادہ سے زیادہ زائرین کو نوافل ادا کرنے کی سہولت فراہم کرنا ہے۔

یاد رہے روضہ شریفہ کا رقبہ 330 مربع میٹر ہے جس میں فی گھنٹہ 800 افراد کی گنجائش ہے۔ اوسطا ہر وزیٹر کو دس منٹ ملتے ہیں۔