گزشتہ برس عمرہ زائرین کی تعداد 35 ملین سے تجاوز کرگئی
گزشتہ برس عمرہ زائرین کی تعداد 35 ملین سے تجاوز کرگئی
جمعہ 21 مارچ 2025 0:26
گزشتہ برس بیرون مملکت سے 65 فیصد زائرین عمرہ ویزے پر آئے ( فوٹو، ایس پی اے)
ادارہ شماریات کا کہنا ہے کہ سال 2023 کے مقابلے میں 2024 کی چوتھی سہہ ماہی کے دوران عمرہ زائرین کی تعداد میں 31 فیصد اضافہ ریکارڈ کیا گیا۔
اخبار 24 کے مطابق ادارہ شماریات نے عمرہ اعداد وشمار کے حوالے سے جاری رپورٹ میں مزید کہا ہے کہ گزشتہ برس مملکت آنے والے عمرہ زائرین کی مجموعی تعداد 35.8 ملین رہی جوکہ سابقہ برسوں کے مقابلے میں 26 فیصد زیادہ ہے۔
گزشتہ برس بیرون مملکت سے آنے والے مرد عمرہ زائرین میں 2.6 ملین 49 فیصد جبکہ خواتین کی تعداد 2.7 ملین 51 فیصد ریکارڈ کی گئی۔
رپورٹ میں مزید کہا گیا ہے کہ بیرون مملکت سے آنے والے 65 فیصد عمرہ ویزے پر آئے جبکہ 21 فیصد دیگر ویزوں پر مملکت پہنچے جن میں سے 11.8 فیصد ڈیجیٹل وزٹ ویزے پر تھے۔
اعداد وشمار کے مطابق گزشتہ برس آنے والے 2.3 فیصد عمرہ زائرین کا تعلق خلیجی ممالک سے تھا۔
گزشتہ برس اندرون مملکت سے عمرہ زائرین کی تعداد 20 لاکھ رہی (فوٹو، ایکس)
اندرون مملکت سے گزشتہ برس کی چوتھی سہہ ماہی میں عمرہ زائرین کی تعداد 20 لاکھ سے تجاوز کرگئی جو کہ سال 2023 کے مقابلے میں 44.4 فیصد زیادہ ہے۔ سعودی عمرہ زائرین کی تعداد 3 لاکھ 33 ہزار جبکہ غیرملکی 18 لاکھ تھے۔
