’پہلے گھر‘ کے عنوان سے مسجد الحرام میں تاریخی نمائش
’پہلے گھر‘ کے عنوان سے مسجد الحرام میں تاریخی نمائش
جمعہ 21 مارچ 2025 0:33
زائرین اس نمائش کو حد پسند کررہے ہیں۔ (فوٹو الحرمین)
ادارہ امورحرمین کے زیر انتظام مسجد الحرام میں شروع کی جانے والی نمائش ’اول بیت‘ (پہلا گھر) میں آنے والے زائرین کی تعداد ایک لاکھ سے تجاوز کر گئی۔
سعودی خبررساں ایجنسی ’ایس پی اے‘ کے مطابق مسجد الحرام کی تیسری سعودی توسیع کے گیٹ شاہ عبداللہ نمبر100 کی جانب نمائش کا اہتمام کیا گیا ہے جس میں حضرت ابراہیم علیہ السلام سے لے کر عصر حاضر تک مختلف ادوار میں کعبہ شریف میں ہونے والی تعمیرات و توسیع کی تاریخ کو انتہائی منفرد انداز میں دکھایا گیا ہے۔
زائرین کو 10 زبانوں میں معلومات فراہم کی جارہی ہیں۔ (فوٹو الحرمین)
انتظامیہ کی جانب سے نمائش میں آنے والوں کی سہولت کے لیے 10 زبانوں میں ترجمہ کی سہولت بھی فراہم کی گئی ہے تاکہ ان ممالک کے زائرین کو درست اور جامع معلومات ان کی زبان میں فراہم کی جاسکیں۔
حرمین انتظامیہ کی جانب سے کعبہ شریف کی تعمیر کے مختلف مراحل کو ڈیجیٹل اسکرینز کے ذریعے پیش کیا جارہا ہے جسے زائرین بے حد پسند کررہے ہیں۔
